Маркіроўка кантрольнымі (ідэнтыфікацыйнымі) знакамі

У адпаведнасці з Дадаткам 2 пастановы Міністэрства па падатках і зборах Рэспублікі Беларусь ад 3 мая 2021 г. № 17 “Аб рэалізацыі Указа Прэзідэнта Рэспублікі Беларусь ад 10 чэрвеня 2011 г. № 243” быў вызначаны склад інфармацыі, абавязковай для перадачы суб’ектамі гаспадарання ў сістэму маркіроўкі тавараў ДІС “Электронны знак” адносна кантрольных (ідэнтыфікацыйных) знакаў, у тэрміны, устаноўленыя пунктам 3 Палажэння аб  функцыянаванні дзяржаўнай інфармацыйнай сістэмы маркіроўкі тавараў уніфікаванымі кантрольнымі знакамі ці сродкамі ідэнтыфікацыі:

• аб згубленых, выкрадзеных, спісаных, знішчаных, пашкоджаных:
  
  •   штоквартальна, не пазней за 20-е чысло месяца, наступнага за справаздачным;
  •  індывідуальным прадпрымальнікам — плацельшчыкам адзінага падатку з індывідуальных прадпрымальнікаў і іншых фізічных асоб* — штоквартальна не пазней за першае чысло другога месяца, наступнага за справаздачным кварталам.

  *у тым ліку ІП, якія адначасова з’яўляюцца плацельшчыкамі падаходнага падатку з фізічных асоб і адзінага падатку з ІП і іншых фізічных асоб

•  
• аб знаках, якія падлягаюць перадачы правапераемніку ў выпадку рэарганізацыі юрыдычных асоб, і такіх правапераемніках:
  
  •  на працягу 5 рабочых дзён з дня дзяржаўнай рэгістрацыі змен;
  •  у выпадку рэарганізацыі ў форме далучэння іншай юрыдычнай асобы — з дня ўнясення запісу ў Адзіны дзяржаўны рэгістр юрыдычных асоб і індывідуальных прадпрымальнікаў.

Для ажыццяўлення вышэйпералічанага неабходна запоўніць форму ў асабістым кабінеце ДІС “Электронны знак”.