ДЗЯРЖАЎНАЯ ІНФАРМАЦЫЙНАЯ
СІСТЭМА МАРКІРОЎКІ ТАВАРАЎ
Рэгістрацыя
Рэгістрацыя ў сістэме маркіроўкі тавараў — ДІС “Электронны знак”
Уваход у сістэму
Уваход у асабісты кабінет сістэмы маркіроўкі тавараў — ДІС “Электронны знак”
Інструкцыі і дакументацыя
Гэты раздзел прысвечаны інструкцыям і дакументацыі па рабоце з сістэмай маркіроўкі тавараў
Пытанні і адказы
Гэты раздзел прысвечаны часта задаваным пытанням і адказам па рабоце з сістэмай маркіроўкі товаров
У мэтах выканання Указа Прэзідэнта Рэспублікі Беларусь ад 10 чэрвеня 2011 г. № 243 “Аб маркіроўцы тавараў кантрольнымі (ідэнтыфікацыйнымі) знакамі” (у рэдакцыі Указа Прэзідэнта Рэспублікі Беларусь ад 06.01.2021 № 9 “Аб змяненні ўказаў Прэзідэнта Рэспублікі Беларусь”) і пастановы Савета Міністраў Рэспублікі Беларусь ад 22 красавіка 2021 г. № 230 “Аб змяненні пастаноў Савета Міністраў Рэспублікі Беларусь” уведзена абавязковая маркіроўка малочнай прадукцыі.
Таксама пастановай Міністэрства па падатках і зборах Рэспублікі Беларусь ад 3 мая 2021 № 17 вызначаны парадак маркіроўкі тавараў і іх рэшткаў, улік і захоўванне кодаў маркіроўкі і сродкаў ідэнтыфікацыі.
Як пачаць маркіроўку?
Тэрміны запуску маркіроўкі
Тавары, якія падлягаюць маркіроўцы
Код ідэнтыфікацыі
Спосабы нанясення сродку ідэнтыфікацыі
Відэанавучанне
Як пачаць маркіроўку?
Як пачаць маркіроўку?
- Запоўніць электронную форму на сайце datamark.by.
- Прымацаваць сканы дакументаў (пасведчанне аб дзярж. рэгістрацыі + сертыфікат аб атрыманні GLN).
- Азнаёміцца з рэгламентам функцыянавання ДІС “Электронны знак”.
- Атрымаць пісьмо-паведамленне аб рэгістрацыі.
- Апісаць (актуалізаваць) электронны пашпарт тавару ў Банку электронных пашпартоў (ids.by).
- Дабавіць тавар у даведнік кабінета ДІС МТ “Электронны знак” праз функцыю “Дабавіць праз GTIN”.
- Дачакацца завяршэння працэсу рэгістрацыі.
- У кабінеце ДІС МТ “Электронны знак” ажыццявіць заказ кодаў маркіроўкі.
- Дачакацца выканання заказу.
- Спампаваць сфарміраваны файл з масівам кодаў маркіроўкі.
- Пераўтварыць код маркіроўкі ў сродак ідэнтыфікацыі (GS1 Data Matrix).
- Нанесці сродак ідэнтыфікацыі на тавар.
- Перадаць інфармацыю аб нанясенні ў ДІС МТ “Электронны знак”.
- Ажыццявіць адбор маркіраванага тавару для адгрузкі.
- Перадаць інфармацыю па гэтай адгрузцы ў ДІС МТ “Электронны знак”.
- Дачакацца станоўчага адказу ад сістэмы.
- Ажыццявіць фізічную адгрузку тавару.
Тэрміны запуску маркіроўкі
Тэрміны запуску маркіроўкі:
- з 8 ліпеня 2021(у Расійскай Федэрацыі з 1 чэрвеня 2021) — група тавараў з неабмежаваным тэрмінам прыдатнасці (ТН ЗЭД 0406, 2105 00)
- з 1 верасня 2021 — група тавараў з тэрмінам прыдатнасці большым за 40 сутак(ТН ЗЭД 0401, 0402, 0403, 0404, 0405, 0406 10 500, 2202 99 910 0, 2202 99 950 0, 2202 99 990 0)
- з 1 снежня 2021— група тавараў з тэрмінам прыдатнасці меншым за 40 сутак (ТН ЗЭД 0401, 0402, 0403, 0404, 0405, 0406 10 500, 2202 99 910 0, 2202 99 950 0, 2202 99 990 0)
За выключэннем малочнай прадукцыі:
— аб’ёмам 20 літраў і больш або вагой 20 кілаграмаў і больш ва ўпакоўцы, прызначанай для многаразовага прымянення (многаабаротная ўпакоўка) да яе расфасоўкі ў спажывецкую ўпакоўку прамысловым спосабам;
— маса нета якой складае 30 грамаў і менш;
— упакаванай непрамысловым спосабам у аб’ектах рознічнага гандлю;
— дзіцячага харчавання для дзяцей да 3 гадоў;
— спецыялізаванага дыетычнага лячэбнага і дыетычнага прафілактычнага харчавання.
Тавары, якія падлягаюць маркіроўцы
Тавары, якія падлягаюць маркіроўцы:
Код у адпаведнасці з ТН ЗЭД ЕАЭС | Найменне тавару | Тэрмін захоўвання | Дата ўвядзення маркіроўкі |
0401 | малако і вяршкі, нязгушчаныя і без дабаўлення цукру або іншых падсалоджвальных рэчываў | да 40 сутак (уключна) | 1 снежня 2021 г. |
больш за 40 сутак | 1 верасня 2021 г. | ||
0402 | малако і вяршкі, згушчаныя ці з дабаўленнем цукру або іншых падсалоджвальных рэчываў | да 40 сутак (уключна) | 1 снежня 2021 г. |
больш за 40 сутак | 1 верасня 2021 г. | ||
0403 | маслёнка, скіслае малако і вяршкі, ёгурт, кефір ды іншыя ферментаваныя ці сквашаныя малако і вяршкі, згушчаныя і нязгушчаныя, з дабаўленнем і без дабаўлення цукру ці іншых падсалоджвальных рэчываў, са смакаводарнымі дабаўкамі ці без іх, з дабаўленнем ці без дабаўлення фруктаў, арэхаў ці какавы | да 40 сутак (уключна) | 1 снежня 2021 г. |
больш за 40 сутак | 1 верасня 2021 г. | ||
0404 | малочная сыроватка, згушчаная і нязгушчаная, з дабаўленнем і без дабаўлення цукру ці іншых падсалоджвальных рэчываў; прадукты з натуральных кампанентаў малака з дабаўленнем і без дабаўлення цукру ці іншых падсалоджвальных рэчываў, у іншым месцы не пайменаваныя ці не ўключаныя | да 40 сутак (уключна) | 1 снежня 2021 г. |
больш за 40 сутак | 1 верасня 2021 г. | ||
0405 | сметанковае масла ды іншыя тлушчы і маслы, вырабленыя з малака; малочныя пасты | да 40 сутак (уключна) | 1 снежня 2021 г. |
больш за 40 сутак | 1 верасня 2021 г. | ||
0406, за выключэннем 0406 10 500 | сыры | – | 8 ліпеня 2021 г. |
0406 10 500 | тварог | да 40 сутак (уключна) | 1 снежня 2021 г. |
больш за 40 сутак | 1 верасня 2021 г. | ||
2105 00 | марожанае ды іншыя віды харчовага лёду, якія не ўтрымліваюць ці ўтрымліваюць какаву, за выключэннем марожанага і дэсертаў без утрымання малочных тлушчаў і (ці) малочнага бялку ў складзе | – | 8 ліпеня 2021 г. |
2202 99 910 0 | безалкагольныя напоі, якія ўтрымліваюць тлушч, атрыманы з прадуктаў таварных пазіцый 0401 – 0404, менш за 0,2 мас.% | да 40 сутак (уключна) | 1 снежня 2021 г. |
больш за 40 сутак | 1 верасня 2021 г. | ||
2202 99 950 0 | безалкагольныя напоі, якія ўтрымліваюць тлушч, атрыманы з прадуктаў таварных пазіцый 0401 – 0404, 0,2 мас.% ці больш, але менш за 2 мас.% | да 40 сутак (уключна) | 1 снежня 2021 г. |
больш за 40 сутак | 1 верасня 2021 г. | ||
2202 99 990 0 | безалкагольныя напоі, якія ўтрымліваюць тлушч, атрыманы з прадуктаў таварных пазіцый 0401 – 0404, 2 мас.% ці больш | да 40 сутак (уключна) | 1 снежня 2021 г. |
больш за 40 сутак | 1 верасня 2021 г. |
Код ідэнтыфікацыі
Код маркіроўкі малочнай прадукцыі:
(01) — Код тавару (глабальны ідэнтыфікацыйны нумар гандлёвай адзінкі GTIN) 14 сімвалаў
(21) — Індывідуальны серыйны нумар 8 (6) сімвалаў
(93) — Код праверкі 4 сімвалы
Спосабы нанясення сродку ідэнтыфікацыі
Этыкетаванне
- Аўтаматычная аплікацыя
- Ручная аплікацыя
Друкарскі
- Друкаванне СІ на ўпакоўцы
- Друкаванне СІ на таварнай этыкетцы
- Друкаванне СІ на стыкеры (дадатковая этыкетка)
Прамы друк
- Тэрматрансферны друк
- Лазерны друк
Відэанавучанне
РУП «Выдавецтва «Белбланкавыд» забяспечвае:
- рэгістрацыю суб’ектаў гаспадарання Рэспублікі Беларусь у ДІС “Электронны знак”;
- вядзенне каталогаў тавараў (даведніка маркіраваных тавараў);
- генерацыю кодаў маркіроўкі тавараў;
- інфармацыйнае ўзаемадзеянне з нацыянальнымі інфармацыйнымі сістэмамі маркіроўкі тавараў дзяржаў — членаў ЕАЭС;
- улік этапаў абароту тавараў у залежнасці ад групы маркіраваных тавараў:
— увод у абарот (вытворчасць, імпарт, маркіроўка рэшткаў і інш.);
— перамяшчэнне (змена ўладальніка тавараў);
— вывад з абароту (экспарт (трансгранічны гандаль), рэалізацыя ў розніцы, спісанне); - выраб абароненых матэрыяльных носьбітаў, сродкаў ідэнтыфікацыі на абароненых матэрыяльных носьбітах, знакаў абароны;
- улік этапаў абароту кодаў маркіроўкі, сродкаў ідэнтыфікацыі на абароненых матэрыяльных носьбітах, абароненых матэрыяльных носьбітаў, знакаў абароны (рэалізацыя, вяртанне, перадача, спісанне і інш.);
- іншыя функцыі і паслугі, прадугледжаныя НПА і дагаворамі з удзельнікамі сістэмы, пагадненнямі з упаўнаважанымі органамі.
GS1 DataMatrix
Data Matrix код дзеліцца на дзве часткі: код ідэнтыфікацыі і код праверкі або “крыптахвост”.
За кошт адлюстравання ў ІС маркіроўкі тавараў “Электронны знак” інфармацыі аб змене ўладальніка маркіраваных сродкамі ідэнтыфікацыі тавараў шляхам змены статусу кода маркіроўкі выключаецца з’яўленне двайнікоў тавару на беларускім рынку.
Кароткі алгарытм дзеянняў
1. Зарэгістравацца
2. Атрымаць GTIN
3. Заказаць коды маркіроўкі
4. Адгрузіць
1. Зарэгістравацца
Для рэгістрацыі ў ДІС “Электронны знак” неабходна:
- Запоўніць на сайце www.datamark.by заяўку на падключэнне да ДІС “Электронны знак” у раздзеле “Малочная прадукцыя”.
- Далучыцца да публічнага дагавора з аператарам РБ.
*З тэкстам дагавора, прэйскурантам можна азнаёміцца на сайце і падчас запаўнення заяўкі. - Атрымаць ад аператара РБ рэквізіты доступу ў асабісты кабінет удзельніка і інструкцыі карыстальніка для работы ў асабістым кабінеце.
*Інфармацыя накіроўваецца аператарам РБ на электронную пошту (e-mail) адказнага за фарміраванне заяўкі (указваецца пры запаўненні заяўкі). - Пры запаўненні заяўкі трэба ўказаць глабальны прэфікс прадпрыемства ў сістэме GS1 (GСР/GLN). Гэты рэквізіт неабходны для атрымання кодаў упакоўкі тавараў (SSCC – кодаў).
*Для атрымання GСР/ GLN неабходна звярнуцца ў Асацыяцыю ГС1 Бел www.gs1by.by
2. Атрымаць GTIN
Для атрымання GTIN неабходна:
- зарэгістравацца ў якасці карыстальніка Асацыяцыі ГС1 Бел;
*Падрабязную інфармацыю можна атрымаць на сайце Асацыяцыі ГС1 Бел. http://gs1by.by/ ці на сайце http://ids.by/.
Тым суб’ектам гаспадарання, якія ўжо маюць дагаворныя ўзаемаадносіны з Асацыяцыяй ГС1 Бел., перазаключаць дзеючыя дагаворы не трэба. - апісаць тавары ў міжведамаснай размеркаванай інфармацыйнай сістэме “Банк даных электронных пашпартоў тавараў” (далей — Банк электронных пашпартоў тавараў).
Склад абавязковай інфармацыі, уносімай у міжведамасную размеркаваную інфармацыйную сістэму “Банк электронных пашпартоў тавараў”, устаноўлены пастановай Міністэрства па падатках і зборах Рэспублікі Беларусь № 17 ад 03.05.2021.
Пасля апісання GTIN у ІС “Банк электронных пашпартоў тавараў” — ePASS неабходна зарэгістраваць GTIN тавару, які падлягае маркіроўцы, у ДІС “Электронны знак” — у каталог маркіраваных тавараў дабавіць GTIN, пасля чаго апісанне тавару будзе аўтаматычна атрымана з ePASS і перададзена ў нацыянальны каталог сістэмы маркіроўкі тавараў Расійскай Федэрацыі “Сумленны знак” (для забеспячэння механізма прызнання кодаў маркіроўкі РБ на тэрыторыі РФ).
Для рэгістрацыі тавару ў каталогу неабходна ў кабінеце ДІС “Электронны знак”:
- выбраць пункт меню Тавары, групу тавараў “Малочная прадукцыя”;
- націснуць кнопку “Дабавіць праз GTIN”;
- указаць GTIN (набраць 14 лічбаў, уключаючы наперадзестаячы 0) і націснуць кнопку “Адправіць”.
3. Заказаць коды маркіроўкі
Заказ кодаў маркіроўкі
Пасля апісання тавараў вы можаце заказаць для іх коды маркіроўкі. Код маркіроўкі павінен быць унікальным для кожнай адзінкі тавару, г.зн. пры неабходнасці прамаркіраваць 10 адзінак тавару неабходна заказаць 10 кодаў маркіроўкі.Заказаць коды можна з даведніка тавараў, выбраўшы канкрэтны тавар і ўказаўшы патрэбную колькасць кодаў маркіроўкі для гэтага тавару або выкарыстоўваючы пункт меню Заказ кодаў.
*Дадзеныя дзеянні карыстальніка падрабязна апісаны ў эксплуатацыйнай дакументацыі, атрыманай ад аператара РБ пры рэгістрацыі ў сістэме.
Заказ можа быць адхілены, у такім выпадку вы зможаце ўбачыць прычыну адмовы. Да прыкладу, мог быць указаны няправільны код тавару.
Звесткі пра маркіроўку тавараў (выкарыстанне/нанясенне СІ ў працэсе вытворчасці тавару) павінны быць перададзены ў Сістэму.
Атрыманыя коды маркіроўкі неабходна пераўтварыць у фармат GS1 DataMatrix.
Спосаб маркіроўкі тавараў выбірае суб’ект гаспадарання на сваё меркаванне, зыходзячы з магчымасцей тэхналагічных працэсаў вырабу сваёй прадукцыі і яе перамяшчэння:
— выкарыстанне кода маркіроўкі;
— выкарыстанне кода маркіроўкі і знака абароны;
— выкарыстанне стыкера.
*Выкарыстанне кода маркіроўкі абавязвае суб’екта гаспадарання пры перамяшчэнні маркіраванага тавару выкарыстоўваць электронныя накладныя, пры выкарыстанні кода маркіроўкі і дадаткова знака абароны ці стыкера могуць быць выкарыстаны як электронныя накладныя, так і на папяровым носьбіце.
РУП “Выдавецтва “Белбланкавыд” ажыццяўляе выраб і рэалізацыю абароненых матэрыяльных носьбітаў з нанесеным сродкам ідэнтыфікацыі (далей — стыкер), кошт якога складае 0,02 бел. рубля згодна з прэйскурантам цэн.
З парадкам вырабу, рэалізацыі і прыёмкі стыкераў больш падрабязна можна азнаёміцца ў раздзеле 5 публічнага дагавора.
Месца выдачы: г. Мінск, 220024, вул. Бабушкіна,12а
4. Адгрузіць
Для экспарту неабходна:
- да перасячэння мяжы з РФ экспарцёр павінен быць зарэгістраваны ў сістэме “Электронны знак” і зарэгістраваць у ДІС “Электронны знак” аперацыю адгрузкі тавару згодна з эксплуатацыйнай дакументацыяй;
- коды маркіроўкі тавару павінны належаць экспарцёру — павінны быць ім заказаны (прамаркіраваны тавар) або тавар атрыманы ад іншага ўдзельніка, які замаркіраваў тавар, з фіксаваннем у ДІС “Электронны знак” аперацый змены ўладальніка (адгрузкі і апрыходавання тавару).
*Для экспарту тавару ў РФ у асабістым кабінеце (ці з дапамогай API ў лакальнай уліковай сістэме) неабходна перадаць звесткі пра пастаўку ў РФ малочнай прадукцыі ў рэжыме аб’ёмна-артыкульнага ўліку. На форме ўводу ўкажыце запытаныя даныя: дату адгрузкі, нумар і тып таварна-суправаджальнага дакумента, краіну і найменне грузаатрымальніка РФ, GTIN і колькасць адгружаемых кодаў маркіроўкі РБ.
Маркіраваны тавар (тавар з нанесеным сродкам ідэнтыфікацыі, звесткі пра які перададзены ў сістэму маркіроўкі), які перамяшчаецца ў межах трансгранічнага гандлю, падлягае маркіроўцы ў краіне экспарцёра (у РБ ці РФ), паўторная маркіроўка ў краіне імпарцёра не патрабуецца пры ўмове пацверджання сапраўднасці тавару сістэмай маркіроўкі экспарцёра.
Даныя пра стан тавару могуць быць атрыманы з сістэм кожнай з краін шляхам счытвання кода маркіроўкі мабільнымі праграмамі: стан тавару ў сістэме РБ з дапамогай мабільнай праграмы “Электронны знак”, у сістэме РФ — з дапамогай мабільнай праграмы “Сумленны знак”. Мабільныя праграмы могуць быць устаноўлены па агульнай тэхналогіі з Google Play/Apple store.
Для ўдзельніка сістэмы ў асабістым кабінеце рэалізаваны пункт меню Картка тавару, з дапамогай якога пасля прачытання кода маркіроўкі тавару можна атрымаць усю існуючую ў ДІС “Электронны знак” інфармацыю па дадзеным кодзе ў храналагічным парадку: ад даты заказу кода маркіроўкі да вываду тавару з абароту.
Праверка сканера для работы з асабістым кабінетам