ДЗЯРЖАЎНАЯ ІНФАРМАЦЫЙНАЯ
СІСТЭМА МАРКІРОЎКІ ТАВАРАЎ
Рэгістрацыя
Рэгістрацыя ў сістэме маркіроўкі тавараў — ДІС “Электронны знак”
Уваход у сістэму
Уваход у асабісты кабінет сістэмы маркіроўкі тавараў — ДІС “Электронны знак”
Інструкцыі і дакументацыя
Гэты раздзел прысвечаны інструкцыям і дакументацыі па рабоце з сістэмай маркіроўкі тавараў
Пытанні і адказы
Гэты раздзел прысвечаны часта задаваным пытанням і адказам па рабоце з сістэмай маркіроўкі товаров
Згодна з Рашэннем Савета Еўразійскай эканамічнай камісіі ад 18 лістапада 2019 г. № 127 “Аб увядзенні маркіроўкі тавараў лёгкай прамысловасці сродкамі ідэнтыфікацыі” (далей – Рашэнне № 127) дзяржавы — члены Еўразійскага эканамічнага саюза (далей — дзяржавы-члены) самастойна вызначаюць дату ўвядзення і парадак маркіроўкі тавараў лёгкай прамысловасці на сваёй тэрыторыі ў адпаведнасці з гэтым Рашэннем і апавяшчаюць Еўразійскую эканамічную камісію аб такой даце. Пры гэтым забарона на абарот немаркіраваных тавараў лёгкай прамысловасці не можа быць уведзены раней за 1 студзеня 2021 г.
У адпаведнасці з Указам Прэзідэнта Рэспублікі Беларусь ад 10 чэрвеня 2011 г. № 243 “Аб маркіроўцы тавараў кантрольнымі (ідэнтыфікацыйнымі) знакамі” (у рэдакцыі Указа Прэзідэнта Рэспублікі Беларусь ад 06.01.2021 № 9 ”Аб змяненні ўказаў Прэзідэнта Рэспублікі Беларусь”) і пастановай Савета Міністраў Рэспублікі Беларусь ад 22 красавіка 2021 г. № 230 “Аб змяненні пастаноў Савета Міністраў Рэспублікі Беларусь” абавязковая маркіроўка таварнай катэгорыі “Лёгкая прамысловасць” будзе ўведзена з 01.03.2022.
Да даты ўвядзення абавязковай маркіроўкі на тэрыторыі Рэспублікі Беларусь (далей — РБ) тавары лёгкай прамысловасці, вывозімыя ў Расійскую Федэрацыю, падлягаюць маркіроўцы кодамі расійскага ўзору ў адпаведнасці з Рашэннем Савета Еўразійскай эканамічнай камісіі ад 18 лістапада 2019 г. № 127.
Таксама пастановай Міністэрства па падатках і зборах Рэспублікі Беларусь ад 03 мая 2021 № 17 вызначаны парадак маркіроўкі тавараў і іх рэшткаў, улік і захоўванне кодаў маркіроўкі і сродкаў ідэнтыфікацыі.
Як пачаць маркіроўку?
Тавары, якія падлягаюць маркіроўцы
Код маркіроўкі
Відэанавучанне
Як пачаць маркіроўку?
Як пачаць маркіроўку?
- Запоўніць электронную форму на сайце datamark.by.
- Прымацаваць сканы дакументаў (пасведчанне аб дзярж. рэгістрацыі + сертыфікат аб атрыманні GLN).
- Азнаёміцца з рэгламентам функцыянавання ДІС “Электронны знак”.
- Атрымаць пісьмо-паведамленне аб рэгістрацыі.
- Апісаць (актуалізаваць) электронны пашпарт тавару ў Банку электронных пашпартоў (ids.by).
- Дабавіць тавар у даведнік кабінета ДІС МТ “Электронны знак” праз функцыю “Дабавіць праз GTIN”.
- Дачакацца завяршэння працэсу рэгістрацыі.
- У кабінеце ДІС МТ “Электронны знак” ажыццявіць заказ кодаў маркіроўкі.
- Дачакацца выканання заказу.
- Спампаваць сфарміраваны файл з масівам кодаў маркіроўкі.
- Пераўтварыць код маркіроўкі ў сродак ідэнтыфікацыі (GS1 Data Matrix).
- Нанесці сродак ідэнтыфікацыі на тавар.
- Перадаць інфармацыю аб нанясенні ў ДІС МТ “Электронны знак”.
- Ажыццявіць адбор маркіраванага тавару для адгрузкі.
- Перадаць інфармацыю па гэтай адгрузцы ў ДІС МТ “Электронны знак”.
- Дачакацца станоўчага адказу ад сістэмы.
- Ажыццявіць фізічную адгрузку тавару.
Тавары, якія падлягаюць маркіроўцы
Тавары, якія падлягаюць маркіроўцы:
Код ТН ЗЭД | Найменне тавару | Дата ўвядзення маркіроўкі | Тэрміны маркіроўкі рэшткаў |
6201 | Паліто, паўпаліто, накідкі, плашчы, курткі (уключаючы лыжныя), вятроўкі, штармоўкі і аналагічныя вырабы мужчынскія ці для хлопчыкаў, акрамя вырабаў таварнай пазіцыі 6203 | 1 сакавіка 2022 | да 1 ліпеня 2022 |
6202 | Паліто, паўпаліто, накідкі, плашчы, курткі (уключаючы лыжныя), вятроўкі, штармоўкі і аналагічныя вырабы жаночыя або для дзяўчынак, акрамя вырабаў таварнай пазіцыі 6204 | 1 сакавіка 2022 | да 1 ліпеня 2022 |
6302 | Бялізна пасцельная, сталовая, туалетная і кухонная | 1 сакавіка 2022 | да 1 ліпеня |
Код маркіроўкі
Код маркировки:
Відэанавучанне
РУП «Выдавецтва «Белбланкавыд» забяспечвае:
- рэгістрацыю суб’ектаў гаспадарання Рэспублікі Беларусь у ДІС “Электронны знак”;
- вядзенне каталогаў тавараў (даведніка маркіраваных тавараў);
- генерацыю кодаў маркіроўкі тавараў;
- інфармацыйнае ўзаемадзеянне з нацыянальнымі інфармацыйнымі сістэмамі маркіроўкі тавараў дзяржаў — членаў ЕАЭС;
- улік этапаў абароту тавараў у залежнасці ад групы маркіраваных тавараў:
— увод у абарот (вытворчасць, імпарт, маркіроўка рэшткаў і інш.);
— перамяшчэнне (змена ўладальніка тавараў);
— вывад з абароту (экспарт (трансгранічны гандаль), рэалізацыя ў розніцы, спісанне); - выраб абароненых матэрыяльных носьбітаў, сродкаў ідэнтыфікацыі на абароненых матэрыяльных носьбітах, знакаў абароны;
- улік этапаў абароту кодаў маркіроўкі, сродкаў ідэнтыфікацыі на абароненых матэрыяльных носьбітах, абароненых матэрыяльных носьбітаў, знакаў абароны (рэалізацыя, вяртанне, перадача, спісанне і інш.);
- іншыя функцыі і паслугі, прадугледжаныя НПА і дагаворамі з удзельнікамі сістэмы, пагадненнямі з упаўнаважанымі органамі.
GS1 DataMatrix
Data Matrix код дзеліцца на дзве часткі: код ідэнтыфікацыі і код праверкі або “крыптахвост”.
За кошт адлюстравання ў ІС маркіроўкі тавараў “Электронны знак” інфармацыі аб змене ўладальніка маркіраваных сродкамі ідэнтыфікацыі тавараў шляхам змены статусу кода маркіроўкі выключаецца з’яўленне двайнікоў тавару на беларускім рынку.
Кароткі алгарытм дзеянняў
1. Зарэгістравацца
2. Атрымаць GTIN
3. Заказаць коды маркіроўкі
4. Адгрузіць
1. Зарэгістравацца
Для рэгістрацыі ў ДІС “Электронны знак” неабходна:
- Запоўніць на сайце www.datamark.by заяўку на падключэнне да ДІС “Электронны знак” у раздзеле “Лёгкая прамысловасць”.
- Далучыцца да публічнага дагавора з аператарам РБ.
*З тэкстам дагавора, прэйскурантам можна азнаёміцца на сайце і падчас запаўнення заяўкі. - Атрымаць ад аператара РБ рэквізіты доступу ў асабісты кабінет удзельніка і інструкцыі карыстальніка для работы ў асабістым кабінеце.
*Інфармацыя накіроўваецца аператарам РБ на электронную пошту (e-mail) адказнага за фарміраванне заяўкі (указваецца пры запаўненні заяўкі). - Пры запаўненні заяўкі трэба ўказаць глабальны прэфікс прадпрыемства ў сістэме GS1 (GСР/GLN). Гэты рэквізіт неабходны для атрымання кодаў упакоўкі тавараў (SSCC – кодаў).
*Для атрымання GСР/ GLN неабходна звярнуцца ў Асацыяцыю ГС1 Бел www.gs1by.by
2. Атрымаць GTIN
Для атрымання GTIN неабходна:
- зарэгістравацца ў якасці карыстальніка Асацыяцыі ГС1 Бел;
*Падрабязную інфармацыю можна атрымаць на сайце Асацыяцыі ГС1 Бел. http://gs1by.by/ ці на сайце http://ids.by/.
Тым суб’ектам гаспадарання, якія ўжо маюць дагаворныя ўзаемаадносіны з Асацыяцыяй ГС1 Бел., перазаключаць дзеючыя дагаворы не трэба. - апісаць тавары ў міжведамаснай размеркаванай інфармацыйнай сістэме “Банк даных электронных пашпартоў тавараў” (далей — Банк электронных пашпартоў тавараў).
Склад абавязковай інфармацыі, уносімай у міжведамасную размеркаваную інфармацыйную сістэму “Банк электронных пашпартоў тавараў”, устаноўлены пастановай Міністэрства па падатках і зборах Рэспублікі Беларусь № 17 ад 03.05.2021.
Пасля апісання GTIN у ІС “Банк электронных пашпартоў тавараў” — ePASS неабходна зарэгістраваць GTIN тавару, які падлягае маркіроўцы, у ДІС “Электронны знак” — у каталог маркіраваных тавараў дабавіць GTIN, пасля чаго апісанне тавару будзе аўтаматычна атрымана з ePASS і перададзена ў нацыянальны каталог сістэмы маркіроўкі тавараў Расійскай Федэрацыі “Сумленны знак” (для забеспячэння механізма прызнання кодаў маркіроўкі РБ на тэрыторыі РФ).
Для рэгістрацыі тавару ў каталогу неабходна ў кабінеце ДІС “Электронны знак”:
- выбраць пункт меню Тавары, групу тавараў “Лёгкая прамысловасць”;
- націснуць кнопку “Дабавіць праз GTIN”;
- указаць GTIN (набраць 14 лічбаў, уключаючы наперадзестаячы 0) і націснуць кнопку “Адправіць”.
3. Заказаць коды маркіроўкі
Заказ кодаў маркіроўкі
Пасля апісання тавараў вы можаце заказаць для іх коды маркіроўкі. На кожны тавар выдаецца ўнікальны код. Код маркіроўкі павінен быць унікальным для кожнай адзінкі тавару, г.зн. пры неабходнасці прамаркіраваць 10 адзінак тавару неабходна заказаць 10 кодаў маркіроўкі.
Па вашым заказе Аператар РБ у аўтаматычным рэжыме сфарміруе ўнікальныя ідэнтыфікатары тавару і перадасць іх Аператару РФ для подпісу “крыптахвастом”.
Заказаць коды можна з даведніка тавараў, выбраўшы канкрэтны тавар і ўказаўшы патрэбную колькасць кодаў маркіроўкі для гэтага тавару альбо выкарыстоўваючы пункт меню Заказ кодаў.
*Дадзеныя дзеянні карыстальніка падрабязна апісаны ў эксплуатацыйнай дакументацыі, атрыманай ад аператара РБ пры рэгістрацыі ў сістэме.
Атрыманыя ад Аператара РФ коды маркіроўкі ў сістэме ўлічваюцца аўтаматычна як выкарыстаныя для маркіроўкі тавараў (перадача дадатковай справаздачы аб фізічнай маркіроўцы тавару не патрэбна).
Заказ можа быць адхілены, у такім выпадку вы зможаце ўбачыць прычыну адмовы. Да прыкладу, мог быць указаны няправільны код тавару.
Атрыманыя коды маркіроўкі неабходна пераўтварыць у фармат GS1 DataMatrix.
! Парадак атрымання кодаў маркіроўкі на тавары, якія маюць расійскі GTIN (прэфікс 460-469):
- Уладальнік расійскага GTIN — рэзідэнт РФ апісвае тавар у КМТ (каталог маркіраваных тавараў).
- Уладальнік расійскага GTIN дабаўляе ў якасці субакаўнта Аператара РБ.
Агрэгіраванне не з’яўляецца абавязковым для ўдзельнікаў сістэмы. Удзельнікі абароту тавараў пры неабходнасці выконваюць аперацыю агрэгіравання тавараў у транспартныя ўпакоўкі і перадаюць звесткі ў ДІС “Электронны знак”. Для гэтага неабходна ажыццявіць наступныя дзеянні:
- заказаць у асабістым кабінеце код агрэгацыі ў адпаведнасці з міжнародным стандартам GS1-128 (SSCC код транспартнай упакоўкі) (гл. пункт меню “Заказ кодаў” — “Код агрэгацыі”);
- сфарміраваць лагістычную этыкетку з нанясеннем атрыманага кода агрэгацыі ў выглядзе штрыхкода згодна з дзеючым міжнародным стандартам (патрабаванні па фарміраванні транспартных этыкетак застаюцца ранейшымі, не змяняюцца ў сувязі з маркіроўкай тавараў сродкамі ідэнтыфікацыі);
- сфарміраваць звесткі пра агрэгіраванне тавараў і падаць іх у Сістэму — указаць код агрэгацыі (упакоўкі) і пералічыць коды маркіроўкі, уключаныя ў агрэгацыю (коды маркіроўкі тавару, што ўкладзены ў дадзеную транспартную ўпакоўку).
4. Адгрузіць
Для экспарту неабходна:
- да перасячэння мяжы з РФ экспарцёр павінен быць зарэгістраваны ў сістэме “Электронны знак” і зарэгістраваць у ДІС “Электронны знак” аперацыю адгрузкі тавару згодна з эксплуатацыйнай дакументацыяй;
- коды маркіроўкі тавару павінны належаць экспарцёру — павінны быць ім заказаны (прамаркіраваны тавар) або тавар атрыманы ад іншага ўдзельніка, які замаркіраваў тавар, з фіксаваннем у ДІС “Электронны знак” аперацый змены ўладальніка (адгрузкі і апрыходавання тавару).
*Для экспарту тавару ў РФ у асабістым кабінеце (ці з дапамогай API ў лакальнай уліковай сістэме) неабходна перадаць звесткі пра пастаўку ў РФ малочнай прадукцыі ў рэжыме аб’ёмна-артыкульнага ўліку. На форме ўводу ўкажыце запытаныя даныя: дату адгрузкі, нумар і тып таварна-суправаджальнага дакумента, краіну і найменне грузаатрымальніка РФ, GTIN і колькасць адгружаемых кодаў маркіроўкі РБ.
Маркіраваны тавар (тавар з нанесеным сродкам ідэнтыфікацыі, звесткі пра які перададзены ў сістэму маркіроўкі), які перамяшчаецца ў межах трансгранічнага гандлю, падлягае маркіроўцы ў краіне экспарцёра (у РБ ці РФ), паўторная маркіроўка ў краіне імпарцёра не патрабуецца пры ўмове пацверджання сапраўднасці тавару сістэмай маркіроўкі экспарцёра.
Даныя пра стан тавару могуць быць атрыманы з сістэм кожнай з краін шляхам счытвання кода маркіроўкі мабільнымі праграмамі: стан тавару ў сістэме РБ з дапамогай мабільнай праграмы “Электронны знак”, у сістэме РФ — з дапамогай мабільнай праграмы “Сумленны знак”. Мабільныя праграмы могуць быць устаноўлены па агульнай тэхналогіі з Google Play/Apple store.
Для ўдзельніка сістэмы ў асабістым кабінеце рэалізаваны пункт меню Картка тавару, з дапамогай якога пасля прачытання кода маркіроўкі тавару можна атрымаць усю існуючую ў ДІС “Электронны знак” інфармацыю па дадзеным кодзе ў храналагічным парадку: ад даты заказу кода маркіроўкі да вываду тавару з абароту.
Праверка сканера для работы з асабістым кабінетам